Avannaata Qimussersua 2013
Avannaata Qimussersua 2013, tassaavoq Jørgen Kristensen, taannalu ajugaasutut apuummat qamutai kivinneqarput, isiginnaartullu nuannaaqisut ajugaasumut tikilluaqqusipput. Tassa Iluliarmiut tikittumut nuannaaqalutik avaallallutillu pipput.
Allattoq Oline I. Olsen
marsip 23-at 2013 15:22
Silagissuup seqinnariup ataani tamaani Narsarsuarmi qimussit 26t ullumi ullup qeqqanut aallarmata aamma inuit 1000t missaanniittut isiginnaarput. Avannata qimussersuatalu oqaluttuarisaanerani arnamik siullerpaamik unammeqataasoqarmat aamma alutorsaatigineqarluni illersorneqaqaaq, Rita InûsugtoK´-lu aallarmat Ritaartortut nipitoqaat.
KNQKimi siulittaasoq Mikkel Jeremiassen ilisimatitsivoq aaqqissuussineq ukioq manna allaanerulaartoq iluatsittumik ingerlanneqartoq.
Ullunilu kingullerni illerngit apusersorneqarlutillu sisoraartartut aqqusiutaannik iluarsaanneqarsimariaramik, unammisut marlukkaarlutik 5 minutsimik akunneqartarlutik aallaqattaartarput.
Tassalu Avannaata Qimussersuanit paasissutissiissutigisinnaasakka.
