Atuartunut podcastimik unammisitsineq nutaaq: Ajugaasoq KNR-ikkut aallakaatinneqassasoq
Kivitsisa aamma Ilinniartitaanermut Aqutsisoqarfik nunatsinni akullerni atuartunut unammisitsinermik nutaamik pilersitsipput.
Taakku tusagassiuutinut nalunaarummi paasissutissiipput.
Podcastimik unammisitsineq Atuartut Nipaat-nik taaguuteqarpoq.
- Atuartut Nipaat’a atuartut nipinik tamalaarpassuarnik atuinissaannut periarfissaqartilerpai. Ukioq manna ”Inuunera” aamma ”Oqaluttuaq pitsaasoq” qulequtarineqarput, ajugaaniunnerullu atuartut nipit, oqaluttuat aamma sakkut digitaaliusut atorlugit misissuillutik nutaaliorlutillu sulinissaannut periarfissaqartilerpai, taakku tusagassiuutinut nalunaarummi paasissutissiipput.
Isumassarsiorneq apeqqutaaginnartoq
Kivitsisap atuarfiit tamarmik mikrofoninik nassiussivigai, taamaalilluni atuarfinnit tamanit peqataanissamut periarfissaqartoqassalluni.
Taamaakkaluartorli unammisitsinermut peqataanissamut mikrofoninik atuinissaq kisiat piumasaqaataanngitsoq allappaat.
- Ajugaaniunneq taamaallaat nutaaliorsinnaanermik iPad-imillu atuisinnaanermik piumasaqaatitaqarpoq, tusagassiuutinut nalunaarummi allapput.
Podcastimik februaarip 27-anni kingusinnerpaamik nassiussisoqassaaq.
Tamatuma kingorna speak, oqaluttuaq aamma nipinik tulluartunik atuineq aallaavigalugit jurymit naliliisoqassaaq.
Podcastiliornermi ajugaasoq KNR Radiokkut aallakaatinneqassaaq.
