ASSIT Kunngissakkut Narsarsuarmut tikipput
Kunngissaq nulia qitornaalu kunngikkormiut umiarsuaannut Dannebrogimut ikipput.
Allattoq Tikaajaat kristensen
Kunngissap Frederiup, kunngissap nuliata Maryp qitornaasalu prins Christianip, prinsesse Isabellap, prins Vincentip prinsesse Josefinellu nunatsinnut tikeraarnerat tallimanngorpat, aqagu, pisortatigoortumik aallartissaaq.
Narsarsuarmulli timmisartorlutik ullumi tikipput, assillu uani takusinnaavatit.
KNRimit assiliisoq Brian Mølgaard kunngissakkut tikeraarnerannik malinnaassaaq.