Politiit ullormut nalunaarutaat: Angutit marluk pinngitsaaliisimasutut tamarmik immikkut nalunaarutigineqartut

Pinngitsaaliinerit marluk ullup unnuallu kingulliup ingerlanerani nalunaarutigineqarnerat, Kalaallit Nunaanni Politiit sillimasuisa pisortaata ilisimatitsissutigaa. Pasineqartut aappaat ataasinngornermi sassartinneqassaaq.

Allattoq Nutaarsiassaqartitsivik / Nyhedsredaktionen

apriilip 13-at 2026 08:26

Nutserisoq Mads Lynge

Politiit sillimasuisa pisortaata Malik Olesenip ullup unnuallu kingulliup ingerlanerani suliassarineqarsimasut qimerlualaarunigit suliassat marluk immikkut taasariallit takusinnaavai.

Pinngitsaaliinerimmi pillugit suliassat marluk tassani immikkut maluginiagassaapput. Nuummi arnaq pinngitsaaliiffigineqarsimasutut sapaammi ullaap tungaani nalunaaqutaq qulinut nalunaaruteqarpoq.

Arnaq 20-t sinnilaarlugit ukioqartoq, pasineqartorlu 30-t sinnerlugit ukioqartoq, pigaartut sillimasuisa pisortaata oqaatigaa, angullu pasineqartoq kingorna tigusarineqartoq, kingorlu aamma iperagaasoq oqaatigalugu.

- Suliarli suli ingerlavoq, Malik Olesen oqarpoq.

Arnaq 30-t sinnerlugit ukiulik Ittoqqortoormiini pinngitsaalineqarsimasutut politiinut sapaammi unnukkut nalunaaqutaq arfinermut kalerriutigaa.

- Angut suliami tassani pasineqarpoq, sapaatit akunnerisalu sisamat tigummigallagassanngortinneqarnissaalu pillugu ataasinngornermi sassartinneqassalluni, Malik Olesen oqarpoq.

Suliani marlunni pineqartuni pinerluffigineqartut pinerluuteqartutullu pasineqartut imminnut ilisarisimanersut oqaatigissallugu siusippallaartoq pigaartut sillimasuisa pisortaata oqaatigaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.