Ullormut nalunaarusiaq: Angutip nunaqarfimmi kommunefogedi nakuuserfigigaa
Angut aalakoortoq kommunefogedimik pingasunngornermi unnuap qeqqa sioqqullugu nakuuserfiginnippoq. Angut atorfilimmut nakuusersimasutut maanna unnerluutigineqarpoq.
Allattoq Nicole Sander Bertelsen
apriilip 09-at 2026 08:05
Nutserisoq Tabetha Kreutzmann
Angutip aalakoortup nunaqarfimmi kommunefogediusoq pingasunngornermi unnuap qeqqa sioqqullugu nakuuserfigaa. Angut aalakoortoq taanna nunaqarfimmi eqqissiviilliortitsisoq tamanna sioqqullugu nalunaarutiginnittoqarpoq.
Angut aalakoortoq tigusarineqarpoq, politiillu pinerluttulerinermi inatsimmi allassimasutut pisortanut ataqqinninngitsuliorsimasutut unnerluutigaat.
- Atorfilimmut nakuuserneruvoq, Kalaallit Nunaanni Politiini sillimasoq Aputsiaq Hansen oqaluttuarpoq.
Angut aalakoorunnaarsagaalluni sisamanngornermi ullaakkut tigummigallarneqarpoq.
Aammattaaq sinerissami tamarmi angerlarsimaffinni aalakoornartoq pissutigalugu eqqissiviilliortoqartarsimasoq, politiini sillimasoq oqaluttuarpoq.
