Politiit ullormut nalunaarutaat: Angut toqungasoq Saattut eqqaanni nassaarineqartoq
Angut ataasinngormat ualikkut tammaaneqartutut nalunaarutigineqarpoq.
Marlunngornerullu unnuaani nal. 02:57 toqungasoq immami nassaarineqarpoq.
Ilaqutaasut nalunaarfigineqareerput.
Politiit suliaq misissoriartorlugu marlunngornermi ullaakkut Saattunukarput, pinerluuteqartoqarsimaneranilli takussutissaqanngilaq.
- Suliarli soorunami misissorluarneqassaaq, sillimasut pisortaat Jeppe Andsager oqarpoq.
Nukappiaqqat marluk gummibådemi
Nanortalimmi gummibådemik tillittoqarnerani ’pissutsinik pasinartunik’ nalunaaruteqartoqarpoq.
Nukappiaqqat marluk, aappaa arfineq pingasunik ukiulik aappaalu qulinik ukiulik, gummibådemik aallarussillutik motooriiarsimasut siumorneqarput.
- Qanoq ilillutik sissamut apuussimanerpat tassami qaqqaq sinerlugu annanniarsarisimapput, sillimasut pisortaat oqarpoq.
Politiilli naggataatigut Nanortalimmukaappaat gummibåderlu qilersorlugu.
- Qujanartumik ajoqusertoqanngilaq nukappiaqqallu angajoqqaavi nalunaarfigineqarput, sillimasut pisortaat oqarpoq.
