Politiit ullormut nalunaarutaat: Aavartut SAR-imik ujaarineqaleraluarsimasut – angutilli taakku marluk ajunngitsut
Angutit marluk Aasiaat eqqaanni aavartut SAR-imik sisamanngormat unnukkut ujaarineqartussanngoraluarput. Angutilli taakku marluk ajunngitsut paasineqarpoq.
Allattoq Emil Weis
aggustip 28-at 2026 08:24
Nutserisoq Ivalu Thorleifsen
Angutit 20-t 30-llu akornanni ukiullit Aasiaat eqqaanni aavareerlutik pingasunngornermi angerlareersimasussaagaluarput.
Sisamanngormalli unnukkut suli angerlamut apuutinngimmata politiinut nalunaaruteqartoqarpoq kingornalu SAR-imik ujaasisoqartussanngorluni. Tassunga atatillugu aamma Aasiaat radioa attaviginiarneqarpoq.
- Qulimiguulilli qangattartoq angutit taakku marluk Attumi orsertut radioaqqakkut attavigineqarsimapput, Kalaallit Nunaanni Politiit sillimasuisa pisortaat Jeppe Andsager oqarpoq.
Taamaattumik SAR-imik annaassiniaaneq taamaatiinnarneqarpoq angutillu taakku marluk ajoratik namminneq Aasiannukarput.
