Timersorneq

Aajuku Maligassiuisut show 2024-mi nersornaatisisut

Inuit timersornerup silarsuaani ukioq 2024-mi sunniuteqarluarsimasut Katuami nalliuttorsiutigineqarput.
Michael Kleist Kalaallit Nunaanni sulorarnermi ukiumi aqutsisuullammattut Kalaallit Nunaannit Timersoqatigiit Kattuffiannit nersornaaserneqarpoq Assi © : Emil Stach / GIF
Peter Davidsen Hardenberg aamma Peri Fleischer IT-79 Nuummi nukappissat isikkamik arsaattartut sungiusaasui ukiumi 2024-mi sungiusaallammattut toqqarneqarput. Assi © : Emil Stach / GIF
Sara Lindskov Jacobsen ukiumi timersullammattut toqqarneqarpoq. Unammiareerlunilu angerlamut angalagami unnussiuaarnermi peqataanngilaq. Assi © : Emil Stach / GIF
Benjamin Kleist timersoqatigiiffik N-85-imeersoq ikinngutaalluartutut toqqarneqarpoq Assi © : Emil Stach / GIF
Timersoqatigiiffik Nagtoralik Badmintonklub Paamiuneersoq ukiumi 2024-mi piukkunnaatilimmik ineriartortitsilluarnerpaatut Elite Sport Greenlandimit nersornaaserneqarput Assi © : Emil Stach / GIF
Elite Sport Greenlandip timersornermi takutitsilluarnerpaatut nersornaasiuttagaa Tae Kwon Do-tartumut Lars Abelsen Lennertimut tunniunneqarpoq. Assi © : Emil Stach / GIF
Elite Sport Greenlandip Kalaallit Nunaanni Timersoqatigiit Kattuffiatalu ataatsimoortumik nersornaammik Innuttaasut aalasut-mik nersornaasiineq Qaqortormiumut Tikkili Kleistimut tunniunneqarpoq. Assi © : Emil Stach / GIF
Timersornermi sunniuteqarluarsimasut aamma eqqaaniarneqarput. Assi © : Emil Stach / GIF
Allattoq Paarnannguaq Nielsen
januaarip 27-at 2025 17:26

Ukioq 2024-mi timersornermi sunniuteqarluarsimasut inuit arfineq-marluk Katuami ippassaq nersornaaserneqarput.

Kalaallit Nunaanni Timersoqatigiiffiit Kattuffianit Elite Sport Greenlandimiillu nersornaatit arfineq-marluk tunniunneqarput. Ukiunilu 20-ni sulorartartoq Sara Lindskov Jacobsen ukioq 2024-mi timersullammattut toqqarneqarpoq.

Kalaallit Nunaanni Timersoqatigiiffiit Kattuffiata Elite Sport Greenlandillu ataatsimoorlutik tusagassiutinut nalunaarutaanni allaqqavoq.

Ukiumi timersullammammik toqqaanermi ilaatigut makku Kalaallit Nunaanni Timersoqatigiiffiit Kattuffiannit tunngavilersuutigineqarput: Angusaqarluartoq, nunatsinni avataanilu sungiusarnermi takutitsilluartoq, ineriartortoq, pimoorussisoq ataqqinnittorlu.

Ukioq manna Maligassiuisunit nersornaatisisut tassaapput:

Ukiumi Timersullammak: Sara Lindskov Jacobsen, B-67 Sulorarneq

Ukiumi Aqutsillammak: Michael Kleist, Sulorarneq Kalaallit Nunaat

Ukiumi Sungiusaallammaat: Peri Fleischer & Peter Davidsen Hardenberg, IT-79 Nuuk isikkamik arsaanneq.

Ukiumi ikinngutaalluartoq: Benjamin Kielsen N-85 Narsaq Isikkamik arsaanneq

Piukkunnaatilimmik ineriartortitsilluarnerpaaq: Nagtoralik Badmintonklub

Timersornermi takutitsilluarnerpaaq: Lars Lennert Abelsen

Innuttaasut Aalasut-mik nersornaasiineq: Tikkili Kleist Qaqortoq

Aallerfik: Kalaallit Nunaanni Timersoqatigiit Kattuffiat / Elite Sport Greenland. 

Allisiguk

Unnuup ingerlanerani allanik aamma nersornaasissoqarpoq ilaatigut Michael Kleist Kalaallit Nunaanni sulorarnermi ukiumi aqutsillammattut tooqarneqarluni.

- Nuannerpoq aamma tulluusimaarnarpoq taamannak innersuunneqarlungalu tingulluarneqarama timersuut siuarsarniarlugu piffissaq annertoorujuk suliniuteqartuulluni nuannerpoq soorunami, Michael Kleist ukiumi aqutsisuullammattut nersornaaserneqartoq oqarpoq.

Immikkut nersornaat

Timersornerup silarsuaani immikkut nersornaat tassa 'ukiumi ikinngutaalluartoq' aamma tunniunneqarpoq.

Nersornaat Benjamin Kielsenimut tunniunneqartoq, Benjamin Kielsenip ikinngutaalluarneranut, timersornerup anersaavanik ikinngutigiinnermillu immikkuullarissumik takutsitsineranut, nuannersumik tapersersoqatigiinnermillu pilersitseqataaneranut tunngavilersuutigineqarlutik tunniunneqarpoq.

Timersortartunik unnummi nersornaasiiffiusumi aamma aliikkusersuisoqarpoq. Nuummi qitittartut NuQi-meersut qitimmik takutitsipput, Piitannguaq Alaufesen quiasaarivoq Andachanilu nipilersortuulluni.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk

Timersorneq

Jørna-Marie Larsen Special Olympics World Winter Games-mi kultinnappoq

Timersorneq

Avannaata Qimussersua: Sukkaniuteqataasussat 28-t anngupput

Timersorneq

Futsal: Brasiliamiut unammilleruminaaqisut oqaluttuarisaanermut ilannguttumik kalaallit unammivaat