Unnu`manna meeqqanik inuusuttunik ilaqutariinnillu ataatsimoorfigineqarluartartut ilaat sammissavarput, tassa Nuummi eqaarsaartartut.
Nuummi Eqaarsaartartut ukiorpassuarni timimik aalatitsinermik, ataatsimoornermik misigisanillu nuannersunik meeqqanut minnernut annernullu misigisaqartitsiuartarput. Peqatigiiffik 300-t missaannik ilaasortaqarpoq, tassanilu suleqataasut tamarmik nammineq piumassutsiminnik suleqataasuupput.
Eqaarsaartarneq soormita nuannarineqarluartoq? aamma peqatigiiffiup nammineq piumassutsiminnik ikiuuttunik sulisullip ukiut ingerlanerini siuariartornera qanoq iluatsittarpa? tamakku sammilaassavagut aamma peqatigiiffimmit takorloorneqartut ilaat piviusunngortinneqalersoq tusagaqarfigissavarput, tassa Danmarkimi eqaarsaartartut kattuffiata ataaniittuneersut DGI Verdensholdimik taaneqartut eqaarsaartarnerullu silarsuani annertut taaneqartartut tikeraartussanngorput.
Pulaartut sisamat: Georgine Graversen, Louise Lennert Olsen aamma eqaarsaartartut Kaya Dietzel aamma Alma Chemnitz
Pulaartoqaatigaluta ilanngutassianik takusaqartassaagut sinerissamiillu oqaloqateqartassalluta. Unnu`mannarmiut: Pipaluk Egede Poulsen, Katrina Lindberg Boassen aamma Hans Jukku Noahsen.
