Royal Greenland A/S-ip suliffeqarfiutini Neqi A/S-mut 9 million koruunilerlugu tunivaa. Suliffeqarfik Neqi A/S-mit februaarip aallaqqaataaniit pigineqalertussaq ilaatigut sanneqaveqarluni sulliveqarpoq qerititsiveqarlunilu.
Royal Greenland A/S nalunaarpoq tunisinermi suliffeqarfiup tunisassiorfiisa ilaannik attartornissamik immikkut isumaqatigiissuteqarsimalluni. Taamaalilluni Narsami aalisartut pisaminnik ingerlatseqatigiiffimmut tunisisinnaanissaat qulakkeerneqarluni.
Suliffissuarmik tunisinerup kingunerisaanik Narsami suliffissanik nutaanik pilersitsinissamut periarfissaqalissaaq, Neqi A/S´ip toqoraavissualiornissaanut – Royal Greenlandip suliffissuarisimasaani tunisassiorfiit toqoraavissamut ilapittuutaassaqimmata. Savaaqqat allallu miluumasut tunisassiarineqarnissaanut periarfissaqarlualissalluni.
