VIDEO Radioaviisimi sulisut takukkit

Ullaarnganit unnummut aallakaatitsinerit 14-iusut aaqqissuisoqarfimmi ulapaartitsipput, naalaartartutsinnulli kiffartuussineruvoq pitsaasoq.

- Siullertut, innutaasut nutaarsiassanik amerlanerusunik kissaateqarput. Kissaataasalu naammassiniarnissaat peqataaffigerusupparput.

- Ilinniartut ilinniarfimminnit angerlaraangata, nalunaaquttap-akunnikkuutaartumik sivikitsumik nutaarsiassaqartitsisassaagut. Taamatut aaqqissuussisoqarnera sammineqartut nalunaaquttap-akunnikkuutaartumik malittarinissaannut pisullu pinerini oqaluttuarinissaannut periarfissiivoq, KNR-imi nutaarsiassanut pisortaq Mikkel Bjarnø Lund oqarpoq.

AAMMA ATUARUK Radioaviisit septembarip aallaqqaataanit akulikinnerulissapput

Kalaallisut nutaarsiassat minutsinik sisamanik sivisussuseqarput danskisoortullu minutsinik pingasunik sivisussuseqarlutik, nal. 12-ilu aamma 18 kalaallisut sivisunerusumik nutaarsiassaqartassaaq, danskisoortaalu tanneq pingasut aallartittassallutik.

- Ajunngilluinnarpoq, aamma allaaneruallaanngilaq. Sulinerulaaginnassaagut, allamik naamik, Apollo Jeremiassen, aallakaatitsinerit marluk akornanni taama oqarpoq.

Taamaammat radio ikeriarlugu nalunaaquttap-akunnikkuutaartumik nutaarsiassat naalaakkit.