Uummannamut Upernavimmullu qaleralittassiissutit qaffaavigineqartut
Aalajangernerup kingunerivaa qaleralitassiissutit 894 tonsinik amerlineqarnerinik, taamaalilluni aalisariutinut 2014-imut qaleralittassiissutit katillutik 11.577 tonsiulerput.
Aalisariutinut qaleralittassiissutigineqartut agguarneri allannguuteqassapput, aalisariutinut ukiumut qaleralittassiissutigineqartut allannguuteqassallutik. Allannguutit pillugit aalisariutaatillit ilisimatinneqassapput.
Tamannali ajornartorsiutinngoratarsinnaavoq, Pinngortitaleriffimmimi uumassusilinnik ilisimatuut qaleralinnik aalisapiluttoqarsinnaanera siornatigut aarleqqutigisimavaat.
Aalisarnermut Naalakkersuisoqarfimmi allaffimmi pisortaq, Jóhanna Olsen, Naalakkersuisut sinnerlugit tusagassiorfinnut nalunaaruteqarluni ima allappoq:
- Naalakkersuisut ilisimaarivaat aqutsiveqarfinni pineqartuni qaleralittassiissutigineqartut biologit inassutaannit amerlanerummata. Naalakkersuisut ilanngullugu aalajangerpaat aqutsiveqarfiit pineqartut ukioq manna qaleralittassaat ilaneqassanngimmata.
