Nunatsinnit Nunanit allanit Politikki Inuussutissarsiorneq Pinerlunnerit Kulturi Timersorneq

Umiarsuit nakkutilliissutit orpeqarput

Ass: Johan Hansen
ALLATTOQ:  Noah Mølgaard
de in

Siriusimi alapernaarsuillutik qimissumik angalasut decembarip 22-at Daneborgimut pipput. Sivisuumik qimussernermi sakkutuut kiilunik arlalinnik oqilisarput. Umiarsuarni nakkutilliissutini aamma juulli malunnartittarpaat.

Danmarkip sakkutuuisa nunatsinniittut juulli qallunaatut nalliussisarpaat. Umiarsuarni nakkutilliissutini aamma orpeqartarput.

Qimussimik alapernaarsuisut novembarip aallaqqaataanili angalasut tuperni illuaqqanilu sinittarlutik suliartik ingerlappaat. Taamatut angalaneq ilungersuanarsinnaavoq qamutit ulikkaarlutik usisut ullormut kilometererpassuit ingerlasiaqartarmata.

- Siriusimi sulisut kiilunik arlalinni oqilisinnaasarput Kalaallit Nunaanni qimussimik angalagaangamik, sakkutuut nittartakkaminni allapput.

Issittumi sakkortooqarfik aamma imarsiortunik sulisoqarpoq umiarsuarni nakkutilliissuniittunik. Umiarsuaq Hvidbjørnen ukiormanna Qaqortumi juullisiorpoq umiarsuarlu Triton Savalimmiuni Storøya-mi juullisiorluni.

Umiarsuaq nakkutilliissut Ejnar Mikkelsen maanna Nuummiippoq umiarsuaararlu Tulugaq Aasianniilluni.

- Umiarsuarni juulli ileqquusut ilisimaneqartut malillugit pisarpoq nerisassallu suussanersut sumiiffimmi sunik peqarnerata aalajangertarpaa. Kisianni amerlanertigut tassaagajuttarput qallunaat juullikkuni nerisannaavi, Issittumi sakkortooqarfik KNR.gl-mut taama ilisimatitsivoq.

Kukkunermik nassaarpit?

Allannerlukkamik imaluunniit ilumuunngitsumik nassaarsimaguit allaffigisinnaavatsigut.

Nalunaarfigitigut:

Refresh Type the characters you see in this picture.
Type the characters you see in the picture; if you can't read them, submit the form and a new image will be generated. Not case sensitive.  Switch to audio verification.

KNR.gl-imi isummersoqataanniaraanni najoqqutassiat akuereqqaarneqassapput

Isummersoqataaniaraanni ateq kinguliarlu allassallugit piumasaqaataavoq

Kiffartuussinerit uku ilaasortaaffigigukkit taakku atorlugit isummersoqataasinnaavutit