Ujaasineq: Kiisami allaaqqissivoq
Tunup ilarujussuata piterarsimanerata kingorna, timmisartuaraq ullut tallimassaat ujaarineqarpoq.
AAMMA ATUARUK Qulimiguullip timmisartuaqqamik ujaasisussap sila qatsorsiivaa
- Timmisartoq Twin Otteri Sikorsky peqatigalugu ullumi ujaasitinneqassaaq, Naviairimi attaveqarnermik suliaqartoq, Camilla Hegnsborg, KNR-imut taama oqarpoq.
Neriunneq suli piuvoq
Timmisartoq qulimiguulillu ujaasitinneqartut ullaaq Tunumi nalunaaqutaq malillugu arfineq-pingasunut aallarput. Timmisartuaqqallu namminersortumit pigineqartup nassaarineqarnissaa Naviairimi neriuutigineqartuarsinnarpoq.
- Timmisartuaraq radiokkut attaveqarfigiunnaaratsiguli sumiiffimmi sila aatsaat maanna allaaqqissivoq. Taamaammat ullumikkut atsinnerusukkoorluta ujaasisinnaassaagut, taamaalillutalu immaqa timmisartuaraq nassaarisinnaassallutigu, Camilla Hegnsborg oqarpoq.
AAMMA ATUARUK Timmisartuaraq periarfeerunneqartoq suli ujaaraat
Qulimiguulik Kulusuup kujataata-kitaatungani ullumi ujaasitinneqassaaq, Twin Otterilu sermersuarmut ujaasiartortinneqassalluni.
