Tunup imartaani avaleraarsartooqarluarpoq
Misissuinernit inernerugallartut takutippaat imartaq misissuiffiusoq tamarmi avaleraasartooqartoq, misissuiffiusoq Tasiilap avataaniit nunap isuanut isorartussuseqarpoq.
Inernerugallartunit uissuumminarnerpaaq tassaavoq Nunap isuata kujataatungaani aamma avaleraasartooqarmat, allaat sualinnik naammattuuisoqarluni, Pinngortitaleriffimmi Aalisakkanut Qalerualinnullu Immikkoortortami pisortaq Helle Siegstad oqarpoq.
Sinerissap kujassinnerusortaani avaleraasaartoqarnissaa biologinit ilimagineqarpoq sulili missiuiffigineqarsimanani.
Atlantikup Avannarliup imartaata kangiata annertunerpaartaani avaleraasartooqarnera qulakkeerlugu ilisimaneqarpoq.
Tamanna nunat tamaani imartallit norskit misissuutaat marluk, savalimmiormiut ataaseq aammalu Islandimiut misissuutaat ataaseq juunip qiteqqunneraniit aggustip qiteqqunneranut misissuinerannit erserpoq.
AAMMA ATUARUK Kitaa misileraalluni aalisarfiulerpoq
Nunatta imartaani avaleraasartooqassutsimik naliliinerit nunarsuaq tamakkerlugu peqassutsimik
naliliinermut ilanngunneqassapput.
Inernerit nunarsuarmiut ilisimatuussutsikkut suleqatigiiffiata ICES-ip Københavnimi ulluni aggustip 26-anit septembarip aallaqqaataata tungaanut ataatsimiinnissaani saqqummiunneqartussaapput.
Avaleraasartoortassiissutigineqarsinnaasut pillugit ilisimatuussutsikkut ICES-ip ataani 2015 ukiumoortumik inaarutaasumik siunnersuinerit aatsaat oktobarip aallartinnerani piariissasut Pinngortitaleriffik tusagassiorfinnut nalunaaruteqarluni taama allappoq.