Tunup avataani avaleraasartoorniarneq ingerlalluarpoq

Avaleraasartoorniutit tunup imartaani ulluni kingullerni ulloq unnuarlu 1.600 tonsinik pisaqartartut, piniarnermut aalisarnermullu naalakkersuisoqarfik ullumi nalunaarpoq.
juulip 23-at 2014 09:18

Angallatit 17-it avaleraasartoorniarnermut peqataapput, kisisitsitigullu takussutissiami ataasinngormat 21-ianeersumi takuneqarsinnaavoq avaleraasartuut katillugit 20.899 tonsit maannamut pisarisimagaat.
 
 Kalaallit Nunaanni Aalisarsinnaanermut Nakkutilliisoqarfik naapertorlugu, ulluni kingullerni pisarineqartut 1.200 aamma 1.600 tonsit akornanniittarput, juulillu aallartinnerani pisarineqartartut ullormut 400 aamma 1.000 tonsit missaanniittarsimallutik.

AAMMA ATUARUK Avaleraasartoorniutit pingasut avalaannaqaat

Tunumi avaleraasartuunik 100.000 tonsinik misileraalluni aalisarneq juunip 13-ani aallartivittutut oqaatigineqarsinnaavoq, kilisaataatileqatigiit ilaata avaleraasartoorniutaa ulloq taanna avaleraasartuunik pisaqaqqaarmat.

AAMMA ATUARUK Tunup imartaani avaleraasartoortassat affaat kalaallit aalisariutaannit aalisarneqassapput

Aatsaalli juunip naalernerani avaleraasartooqarfiulluartut nassaarineqarput, maannalu ullormut pisarineqartartut 1.600 tonsit anguneqartalersimapput.