Tunisassiorfimmit Delika-mit qallersuutissat sianigikkit

Inunnut akiuussutissakitsunut ulorianarsinnaasup Listeria-bakteriap siaruaannera suli unitsinneqarsimarpasinngilaq. Inuussutissanik tunisassiani Listeriamik bakteriaqartoqalersinnaaneranik ulorianartorsiortoqarsinnaanera, Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfiup Danmarkimilu Inuussutissanik aqutsisoqarfiup nalunaarutigaat:
Allattoq Elisa Isaksen
aggustip 28-at 2014 16:16

Kalaallit Nunaanni suliffeqarfiit inuussutissaleriffiusut tulliuttut peqquneqarsimapput tunisassiat assigiinngitsut Delikameersut kiisalu Ussiup sakiai (tarajortikkat) saattunngorlugit aggukkat - tunisassiallu tamaasa Arctic Import A/S-imit nunatsinnut eqqunneqarsimasut siammarterneqarsimasullu uterteqqullugit.

Suliffeqarfiit inuussutissaleriffiusut tunisassianik Diverse Delikameersunik pissarsisimasut ukuupput:

1. Cafe Mik, Nuuk

2. RAL umiarsualivimmi kantiina, Aasiaat

3. Sømandshjem, Sisimiut

4. Sømandshjem, Aasiaat

5. Knud Rasmussen-ip Højskolia, Sisimiut

6. Triton

7. Kuummiini Alivarpik, Tasiilaq

8. Sanaartornermik Atuarfimmi Skolehjem, Sisimiut

9. F360 Hvidbjørnen

10. Atuartunut kollegia, Qaanaaq

11. Ilulissat Center Marked ApS

Suliffeqarfiit inuussutissaleriffiusut Ussiup sakiaanik (tarajortikkanik) aggukkanik pissarsisimasut:

1. Forsvarets Bygnings- og Etablissementstjeneste

2. Station Nord

Tunisassiat tamarmik inuussutissanik tunisassiortumit Delika a/s Hammelimeersumit, DK 2152-imit tunisassiaapput, toqqaannaartumillu inuussutissanik tunisassiortumut Jørn A. Rullepølsinut attuumassuteqaratik utertinneqarlutilli assigiinngitsutigut tunillanneqarsimasinnaanerannik navianartorsiorneq pissutigalugu.

KNUNIO-mit atuisut toqunartortorsimasoralutik pasitsaassaqarsimasut nakorsiaqqullugit siunnersorneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq