Timmisartuaraq periarfeerunneqartoq suli ujaaraat
Timmisartuaraq ujaarineqartoq Islandimi Keflavikkimit Kulusummut ingerlaartillugu sisamangormat tammaaneqalerpoq sulilu nassaarineqarani, Naviair ippassaq sappaammi unnukkut taama nalunaarpoq.
Timmisartuaqqamik ujaasiffigineqartoq ippassaq annertusineqarpoq. Sakkutuut timmisartuata Challenger-Jetip Tasiilap kangisinnerusortaata annersaa ujaasiffigaa.
AAMMA ATUARUK Timmisartuaqqamik periarfeerussamik ujaasineq aallartippoq
Timmisartuaqqamik tammaaneqartumik ujaasineq sisamanngormat aallartinneqarpoq, timmisartut aamma qulimiguullit tamarmik marluk atorlugit sineriak annertooq ujaasiffigineqarpoq. Aammattaaq timmisartup sumiiffigisinnaasata eqqaaniittut umiarsuit ujaasinermi ikiortiserinwqarsimapput.
AAMMA ATUARUK Timmisartuaraq periarfeerunneqartoq: Ujaasineq aallartinneqalerpoq
Sakkutuut timmisartuat Challenger radarimut atortunik nutaanik aallerluni unnuaq Danmarkiliarpoq.
Umiarsuit angallatillu ujaasiffigineqartup eqqaannittut qinnuigineqarput ujaasinermi ikiuuteqqullugit.
Timmisartuaraq ujaarineqartoq orsussaqarsimavoq akunnernut marlunnut affarmullu naammattumut.
AAMMA ATUARUK Timmisartoq tammaaneqartoq suli paasisaqarfigineqanngilaq
