Tarnimikkut napparsimasut sugisaat: Saaffiginninnerni akimmiffeqartarpoq

- Tarnimikkut napparsimasut ajornartorsiutaat tarnimikkut napparsimasut sugisaasa peqatigiiffiannut, Sugisamut, saaffiginnissutigineqartut pisortanut, kommunenut, inissiaatileqatigiiffimmut A/S INI-mut ajorneruppallu politiinut suliassanngortinneqartut ingerlateqqinneqarneq ajorput, peqatigiiffiup siulittaasua Esekias Therkildsen oqarpoq.

- Politiinut saaffiginnissutit kommunenut innersuussutigineqartarput, peqqinnissaqarfimmut saaffiginnissutit politiinut innersuussutigineqartarput, aporfiit taakkua ajornartorsiutaapput annertuut qaangerniarneqartussat, sulilu iluatsinngillat, Esekias Therkildsen oqarpoq.

AAMMA ATUARUK ATAATSIMUT ISIGALUGU Tarnimikkut nappaatillit sammineqarnerat

Tarnimikkut napparsimasut  eqqaamiuminnik eqqissiviilliortitsisarnerat peqatigiiffimmit Sugisamit  ilisimaneqartoq, Esekias Therkildsen oqarpoq.

- Kisianni aamma nalunngilarput innuttaasut allat amerlasuut eqqaamiuminnik sanilimminnillu eqqissisimatitsineq ajortut, taamaatumik Namminersorlutik Oqartussat inissiaataanni najugaqannginnissaannik Ineqarnermut naalakkersuisoqarfimmit nalunaarummi tarnimikkut napparsimasut immikkut taaneqarnerat tupassutigaarput, Esiakias Therkildsen oqarpoq.

Tarnimikkut napparsimasut atugaasa ajornartorsiutaanerat qaangerniarlugu qanoq iliuuseqartoqarniarnersoq pillugu kommmunit aamma Naalakkersuisut qanimut oqaloqatigiittariaqartut, Sugisamit kaammattuutigineqarpoq.

Tassanngaaniillu aaqqiissutaasinnaasut oqaluuserineqarlutik, Esiakias Therkildsen tarnimikkut napparsimasut sugisaasa peqatigiiffianni Sugisami siulittaasoq oqarpoq.