Suliffissaaleqisut 2012-misut amerlatigingajapput

Nunatsinni suliffissaaleqisut juunip qaamaataani ukiormanna amerlassusiat siorna ukiup taamalinerani amerlassusai assigingajakkai nunatta kisitseqqissaarfianit kisitsisit saqqummiuneqartut takutippat.
Allattoq Jaaku Lyberth
juulip 15-at 2013 09:57

Suliffissarsiortutut allatsisimasut siorna 2.663-iuppuit.

Ukiormanna 2.709it suliffeqanngitsutut allassimapput. suliffissaaleqisut 46nik amerliarlutik.

Suliffissaaleqisut amerliarnerannut pissutaavoq nunaqarfinni suliffissaaleqisut, suliffissaaleqisut naatsorsorneqartarneranni ilanngunneqartalermata.

Kisitsisit siorna pigineqartut ilanngunneqarnerisigut nunaqarfinni suliffissaaleqisut 522it ilanngunneqarunik juunip naaleranerani 3.231it suliffissaaleqisutut nalunaarsorneqarsimassapput, nunatsinni naatsorsueqqissaaratrfik nalunaarpoq.

Suliffissaaleqisut nalunaarsorneqarneranni suliffissaaleqisut Nuummi amerleriarpaapput.

Nuummi juunip qaammataani suliffissaaleqisut 725iupput siorna 663-iullutik.

Suliffissaaleqisut ikileriarnerpaapput Uummannami tassalu siorna 105-it suliffissaaleqisutut nalunaarsorneqarsimallutik ukiormanna 58-iullutik

Suliffissaaleqisut arnanut angutinillu avikkaanni angutit suliffissaaleqisut amerlanerupput, tasssalu angutit 1759-it suliffiissaaleqisutut nalunaarsimapput, arnat 1472-it taakkunannilu illoqarfinni nunaqarfinnilu assigiillutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq