Siusinaartumik soraarnerussutisialik ilungersorluni suleqqittoq
Karen Petersenip siusinaartumik soraarnerussutisiallit pisinnaasut sulilerseqqinniarneqarnissaannik siunnersuuteqartoqarnera taperserpaa. Taannami nammineerluni siusinaartumik soraarnerussutisiaqartuusimavoq, unittuussanngikkaannilu imminut piumaffigiuartarnissaq pingaaruteqarsoraa.
- Assut eqqarsaatissiivoq. Pisinnaagaannimi piumassuseqarlunilu ullormut nalunaaquttap akunnerini 1-3-ni sulisoqarsinnaalluarpoq.
AAMMA ATUARUK VIDEO Martha Lund Olsenip siusinaartumik soraarnerussutisiallit sulisinnaassuseqartut sulilersikkusuppai
- Qiteqqakkut aseruuttoornerma kingunerisaanik timima saamiatungaanik nukillaartoorsimagaluarlunga kantinami sulivunga, Karen Petersen KNR-imut oqarpoq.
Meeqqanut maligassiuilluartoq
36-nik ukioqartoq nammineq meeqqanilu pillugit sulileqqinnissani ilungersorluni anguniarsarisimavaa.
- Siusinaartumik soraarnerussutiaqartussatut nalilerneqarnera nakorsanit atsioqquneqarpoq. Taamatullu pisoqarnerani ilunni ilungersorneq aallartippoq, uninnissarami kissaatiginngilluinnarakku.
AAMMA ATUARUK Siusinaartumik soraarnerussutisiallit Naalakkersuisut millionerpassuarnik sipaarniarfiginiarpaat
- Sulimi inuusuttuuvunga meeqqanillu pingasunik pilersugassaqarlunga, aasiammiu Karen Petersen oqarpoq.
Naalakkersuisut siunnersuutaat Inatsisartut ukiakkut ataatsimiinneranni oktobarip qulingiluaani siullermeerneqassaaq.