Siunnersuisooqatigiit: Sermersooq aningaasatigut ajornartorsiornermit eqqugaanerpaavoq
Nunatsinni suliffissaaleqisut amerliartuinnarnerat nutaarsiassaanngilaq, Nuummili suliffissaaleqisut piffissami kingullermi 24 procentinik amerleriarsimanerat Ben Shalmip ernumanartoqartippaa.
Taamaammat isumaqarpoq aningaasaqarnermut naalakkersuisup naligiissaarinissamik iluarsartuusseqqinniarnini isumaliutigeqqittariaqaraa.
- Kommunitsinnit 56 millioner koruuninik aalleqqinnissaq imminut akilersinnaanngilaq, suliffissaaleqisut pillugit kisitsisit malillugit innuttaasut maaniittut aningaasakilliornermik eqqugaanerpaanerat takusinnaagaanni”, Martin Ben Shalmi oqarpoq
AAMMA ATUARUK Borgmesteri immikkut ittumik ataatsimiigiaqqusivoq
Naatsorsueqqissaartarfimmit kisitsisit kingulliit takutippaat Sermersuumi suliffissaaleqisut 12 procentinik amerleriarsimasut, Qaasuitsumi 6 procentinik, Kujallermilu Qeqqanilu 2 procentiinnarnik amerleriarsimasut.
KOmmunit sinnerinit nuuttut suliffissaaleqisunik amerlisaaqataapput
Nuummullu naleqqiullugu illoqarfinni allani pitsaasumik ingerlasoqarpoq. Qaqortumi suliffissaaleqineq qaffariarsimanngilasqw Ilulissanilu 5 procentinik apparsiarsimalluni.
Peqatigitillugu Kommuneqarfik Sermersuup siornatigut misissuinerata takutereerpaa Nuummi suliffissaaleqisut 16 procentii tassaasut ukiumi kingullermi kommunit sinnerinit illoqarfimmut nuussisimasut.
AAMMA ATUARUK Kommuneqarfik Sermersooq pilliuteqarnerpaassaaq
Suliffissaaleqinermit aniguiniarnissaq suliassaavoq annertooq. Sanaartugassalerisut aammalu ilinniakkanik qaffassaanissat eqqarsaatigalugit – aningaasarpassuarnik naleqarpoq, taamaattumik siumukarnissamut kommunit aningaasanik aallerfiginagit akerlianik aningaasanik amerlanerusunik pissarsitinneqartariaqarput” Martin Ben Shalmi oqarpoq.