Siumukkormioq Naalakkersuisunut illuatungiliivoq

Assersuutigalugu ukioq manna 20 million koruunit immikkoortinneqarsimapput. Aningaasat taakku sinerissap qanittuani aalisariutinik taarsiinissamut nutarterinissamullu aamma suliniutinut nutarterisinnaasunut, misileraalluni aalisarnermut assigisaannullu atorneqartarput. Aappaaguli aningaasaliisoqartoqassanngitsoq Naalakkersuisut siunnersuutigaat.

Tamatumunnga akerliliilluni Kalaallit Nunaanni Aalisartut Piniartullu Kattuffianni siulittaasoq Henrik Sandgreen Radioaviisimut ippassaq oqarpoq aningaasanik pisariaqartitsisoqalersorlu aalisarneq aallerfigineqartuaannarsinnaanngitsoq siunissamilu aaqqiissutissamik atorsinnaasumik aaqqiisoqartariaqalersoq.

- Nunatsinni aningaasameernerup nalaani naleqanerulersitsissalluta eqqartuiuannguarluta atortussarpiavut aningaasat peerneqarneri anguniakkanut naapertuutinngilluinnaqqissaarpoq.

Inatsisartuni ilaasortaq Siumumeersoq Saxdorph Didriksen KNAPK-mik tamakkiisumik tapersiilluni allappoq.

- Eqqortuusinnaanngilaq nunatta aningaasaqarniarnera innuttaasunit aallerfiginiaannassallugu, pikkorinnerulertariaqarpugut. Saxdorph Didriksen erseqqissaavoq.

Aalisarnermut, nammineq oqarnermisut, pitsaanerusumik politikkeqalernissaq aqqutissatuaasoq Saxdorph Didriksenip erseqqissaatigaa.