Siuarsaasoqartariaqarpoq
- Aningaasanik pigeriikkatsinnik nutaamik agguaaqqiinnarnata aningaasaatigut qanoq amerlisassavagut? Aningaasaqarniarneq ingerlallualissappat aningaasat isaatinnissaat eqqarsaatigisariaqarparput.
Thomas Mogensen taama oqarpoq, naqissuserlugulu Nunatta aningaasaqarnerata pitsanngorsarneqarnissaa aqqutissaasoq.
Thomas Mogensen Nunatsinni peroriartorpoq, ukiunilu 15-ini Nunatsinni aningaasaqarnermik aqutsinermik suliaqartuulluni.
Taassuma nalimmassaanermi siunissaq ungasinnerusoq eqqarsaatigalugu pilerssaarusiortoqarnissaa maqaasivaa. Taamaattorli erseqqissaatigalugu, pissutsit piviusut isigineqarnisaat pingaaruteqarmat.
AAMMA ATUARUK Asii Chemnitz Narup: Isumaqatiginninniartoqartuusaarsimavoq
- Suliaq naammassineqanngitsutut isikkoqarpoq. Periusissamut kisitsisit tunngavissat amigaataapput. Aningaasat assortuussutigineqarput, aningaasanik amerlanerusunik kaaviaartitsinissamut ineriartortitsinissamullu periarfissat isiginiarneqanngitsoorlutik. Tamannalu ajornartorsiummi uani qitiuvoq, Thomas Mogensen oqarpoq.
Periuutsit assigiinngitsut nalimmassaanermi atorneqartut aaliangiinermilu tunngavigineqartut annikitsuinnaat pisortatigoortumik saqqummiunneqarnikuupput. Taamaammallu naliliinissaq ajornakusoorluni.
AAMMA ATUARUK Naligiissaarinissaq inerneqarpoq: Sermersuup 54 mio. koruunit pilliutigissavai
Ilaatigut tamakku pillugit peqqissaarluni sulinissaq, Thomas Mogensenip takorusukkaluarpaa.
- Nunatsinni atukkatigut naligiinnginneq qangali ajornartorsiutaajuarpoq, tamanna erseqqissartariaqarpoq. Nalimmassaaneq aaqqiigallarnerinnaasoq oqaatigisariaqarpoq. Kisitsisit eqqortut kisitseriaaserlu alla pitsaaneq atorneqarsimasariaqaraluarput. Atukkatigut naligiinnginneq akileraartarnitsinni aamma malugineqartarpoq. Taamaattumik inuiaat akornanni atukkatigut assigiinnginneq ajornatorsiutaavoq maluginianngitsoorneqarsinaanngitsoq isummerfigisarialillu, Thomas Mogensen taama oqarpoq.
