Sermitsiaq.AG-p tapiissutisiarisartakkani annaavai

Aningaasaateqarfik Inuussutissarsiornermik Ingerlatsisoq Sermitsiaq.AG ukiuni kingullerni pingasuni 5,7 million koruunit sinnerlugit sinneqartoorpoq.

Naalakkersuisut ukiuni kingullerni pingasuni tapiissutigisimasaat 5,5 million koruunit ilanngunnagit, Sermitsiaq.AG 5,7 million koruuninik sinneqartoorpoq. Taamaammat Naalakkersuisut tapiissuteqarniarnatik aalajangerput.

- Aviisip ukiut kingulliit ineriartorfigisimavaa kusanartunillu angusaqarluni, siunissami unammilligassanut ullumikkut sillimmatissaqarlualersimalluni.

- Tamatuma saniatigut akiitsutik ikilingaatsiarpaat. Tamanna killilersugaanani oqaaseqarsinnaanermut nutaarsiassatsialaavoq. Tamannami isumaqarpoq, aviisit Sermitsiaq aamma AG tusagassiorfittut kiffaanngissuseqartutut pituttugaanngitsutullu imminnut napatissinnaanerminnut piareersimalersut, Aleqa Hammond tusagassiuutinut nalunaarummini oqarpoq.

Taamaalilluni Nunatsinni tamarmi tusagassiuutit tapiissutinik Sermitsiaq.AG-mit qinnutigineqarluarsimasunut qinnuteqarnissamut periarfissaqalerput.