Sermitsiaq.AG kingusinaarluni qinnuteqarsimavoq

Nutaarsiassaqartitsiviup Sermitsiaq.AG-p qinnuteqarnissamut killissarititaasoq qaangersimammagu qinnuteqaat Naalakkersuisut itigartissimagaat, Naalakkersuisut siulittaasuata Naalakkersuisoqarfiani pisortaq, Mininnguaq Kleist, tusagassiorfinnut nalunaaruteqarluni taama erseqqissaassuteqarpoq.
Allattoq Simon Uldum -
juulip 17-at 2014 06:12

Naalakkersuisut nutaarsiassaqartitsivimmut itigartitsissumminni erseqqissaatigaat qinnuteqarnissamut killissarititaasoq qaammat sinnerlugu qaangerneqarsimasoq.

AAMMA ATUARUK Aleqap aviisinut tapiissutit qularnartumik tunngaveqarluni atorunnaarsippai

Aningaasanut Inatsimmi kontomi annermi ”10.06.24 Nuna tamakkerlugu aviisinut tapiissut” allassimavoq qinnuteqaat kingusinnerpaamik 8. januar 2014 tunniunneqassasoq.

Qinnuteqaat februaarip ulluisa aqqarnanngi 2014 aatsaat tiguneqarpoq, tassalu qinnuteqarnissamut killissarititaasoq qaammat sinnerlugu qaangerneqarsimalluni.

AAMMA ATUARUK Sermitsiaq.AG-ip pisortaa: Siulersuisut ataatsimiinnissaat aalajangiisuussaaq

Qinnuteqaatip piffissaq eqqorlugu tunniunneqannginnerata saniatigut Naalakkersuisut aningaasaqarnerata pitsaasuunera qinnuteqaammik nalilersuinerminni isiginiarsimavaat.

Naalakkersuisut inerniliinerat malillugu Sermitsiaq.AG-p aningaasaqarnera pitsaasumik inissisimavoq, taamaattumillu ukiormoortumik nunatta karsianit tapiiffigineqarnissaa pisariaqarunnaarsimalluni, tamannalu tunngavigalugu qinnuteqaat itigartinneqarpoq.

Naalakkersuisut Sermitsiaq.AG-mut itigartitsissutaat uani atuarneqarsinnaavoq.

AAMMA ATUARUK   Sermitsiaq.AG-p tapiissutisiarisartakkani annaavai

  

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq