Sanningasoq Tungujortoq quppersakkamik saqqummersitsisoq
Ataata anaanaluunniit imertarpata, meeqqat avatangiisiminni ingerlalluartunik allamillu ingerlavissaminnik tikkuussisinnaasunik inersimasoqarnissaa pisariaqartippaat.
Danmarkimi Sanningasoq Tungujortup, Nunatsinni nutaamik suliniuteqalersumit, taama oqaatigineqarpoq. Suliniutip nutaap siunertaraa inuttut ataasiakkaatut ajunnginnerpaamik ikiuinissamik misilittakkanik avitseqatigiinnissaq.
Qanoq ikiuisoqarsinnaaneranik ilisimasaqarnissamik pisariaqartitsineq annertuvoq
Suliniummi iliuusissat arlaqanngitsut pisariunngitsullu atorniarneqarput, pingaarnerutinneqarluni ilaqutariinni imigassamik ajornartorsiorfiusuni meeraasunut inuttut ataasiakkaatut qanoq ajunnginnerpaamik ikiuinissamik paasisitsiniaanissaq.
Peqatigiiffiup quppersagaq ”Uigitsi – oqaloqatigiigitsi” saqqummersippaa, taannalu 4.000-nngorlugu naqinneqarpoq pisortat oqartussaaffiinut arlalinniut, soqutiginnittunut tamanut kiisalu Kalaallit Nunaanni Sanningasoq Tungujortup immikkoortortaanut tamanut agguaanneqassalluni.
- Atortussat Danmarkimi Sanningasoq Tungujortup 2011-mi saqqummersitai takugatsigik taamaaqataanik kalaallisut saqqummersitsinissaq kissaatigilersimavarput. Illoqarfinni tamarluinnarni meeraqarpoq imertartunik angajoqqaaqartunik. Qanoq ikiuinissamik ilisimasaqarnissamik pisariaqartitsineq annertoorujussuuvoq, Elisabeth Lyberth, Kalaallit Nunaanni Sanningasoq Tungujortumi siulittaasoq oqaluttuarpoq
Quppersagaq Nunatsinni pissutsinut naleqqusagaavoq
Peqatigiiffiup quppersagaq ”Uigitsi – oqaloqatigiigitsi” saqqummersippaa, taannalu 4.000-nngorlugu naqinneqarpoq pisortat oqartussaaffiinut arlalinniut, soqutiginnittunut tamanut kiisalu Kalaallit Nunaanni Sanningasoq Tungujortup immikkoortortaanut tamanut agguaanneqassalluni.
- Atortussat Danmarkimi Sanningasoq Tungujortup 2011-mi saqqummersitai takugatsigik taamaaqataanik kalaallisut saqqummersitsinissaq kissaatigilersimavarput. Illoqarfinni tamarluinnarni meeraqarpoq imertartunik angajoqqaaqartunik. Qanoq ikiuinissamik ilisimasaqarnissamik pisariaqartitsineq annertoorujussuuvoq, Elisabeth Lyberth, Kalaallit Nunaanni Sanningasoq Tungujortumi siulittaasoq oqaluttuarpoq.
Danmarkimi Sanningasoq Tungujortumi attaveqarnermut pisortaq Per Breindahl oqaluttuarpoq, Danmarkimi siunnersuutit ilarpassui Kalaallit Nunaannissaaq atorneqarsinnaasut, aammali piorsarsimassutsikkut assigiinngissuteqartoqartoq, taamaattumillu atortussat oqaatsitigut piorsarsimassutsimullu tunngatillugu Kalaallit Nunaanni pissutsinut tulluarsarsimallugit.
Atortussat Imigassaq ikiaroornartullu pillugit Siunnersuisoqatigiit, Peqqissutsimut Attaveqarnermullu Naalakkersuisoqarfik kiisalu Kommuneqarfik Sermersooq qanimut suleqatigilluinnarlugit kalaallisuunngortinneqarput.
