Qanorooq aallakaatitsiviugallartussamut nuuppoq
Nuutsernissamut piffissaliussaq sapaatit akunnerinik pingasunik sioqqullugu tamanna pissaaq.
- Aallakaatitsivikorput oqoqarnerulersimasoq uuttortaanerit nutaat ajoraluartumik takutippaat. Sulisutta peqqissusaaat akornuserusunngilarput. Taamaattumillu maanna nutsilerpugut, nutaarsiassanut pisortaq Mikkel Bjarnø Lund oqarpoq.
Hangarikup imaarnissaa Qanoruullu aallakaatitsiviata KNR-ip sinneranut Issortarfimmut 1-imut 9-mullu nuunnissaa pilersaarutigiuarsimavarput. Atorturissaarutit sinneri apriilip naanerani maajillu aallartinnerani nuunneqassapput, Qanoroorli maanna nuuppoq.
- Aallakaatitsivittaassaq maajip qeqqani aatsaat naammassissaaq. Aallakaatitsiviup nuunnera atortorissaarutit iluarsiuminaatsuuneri peqqutigalugit naammassiuminaappoq, aallakaatitsisarfittaassarlu suli naammassinngilaq. Maannali aallakaatitsisarfiugallartussamik sanasimavugut, nutaarsiassanut pisortaq oqarpoq.
Nutserneq isiginnaartartunut aamma sunniuteqassaaq. Pitsaasumilli nutaarsiassaqartsitsiinnarnisaq, nutaarsiassanut pisortap neriorsuutigaa.
- Inuilli paasinnillutik tapersersuinissaat neriuutigaarput, nutaarsiassanimmi suli takusassapput, Mikkel Bjarnø Lund oqarpoq.