Qalipaasoq Aasianni suli ujaarineqarpoq
Aggustip 15-iani ullaassakkut nalunaaqutaq 4.00 missaani kingullermik takuneqarpoq, qaqortunik sulliseqarluni scooterini kaassuarlugit Aasianni Qaqqap Tunuatigut Killerpaatigullu pisuttoq.
Preben Nielsenip scooterii saviminernut eqqaavissuarmi sapaatiummat nassaarineqarput.
Illoqarfimmi politiit innuttaasunut kingumut ima kaammattuuteqarput:
- Preben Nielsenip sumiinneranik ilisimasaqartut, imaluunniit tallimanngornermi aggustip 15-iani ullaassakkut nalunaaqutaq sisamat kingorna takunnissimasut Aasianni politiinut, sulinerup nalinginnaasup nalaani oqarasuaatikkut 70 14 24-mut, nalunaaqutarlu 16.00-ip kingorna oqarasuaammut 53 51 22-mut attaveqaqquneqarput.
Peqatigisaanilu Aasianni innuttaasut tamaasa politiinit kaammattorneqarput quit, naqqup ilui Preben Nielsenillu isersimaffigisinnaasai allat misissoqqullugit.
Preben Nielsen danskivoq, Aasiannilu qalipaasuulluni ukiorpassuarni najugaqarluni.