Qaanaami qimmit ikiorniarneqalerput
- Uumasut sumiluunniit ajornartorsiortut ikiorneqarnissaat siunertaraarput, Nuumminneersut Qaanaamiinnersulluunniit apeqqutaatinngilarput, Susanne A. Markdal Kalaallit Nunaanni Uumasut Ikinngutaanni siulersuisoq oqarpoq.
Peqatigiiffiit kattuffiillu allat suliniummut pitsaasumut tapiissuteqalaarnissaat taassuma neriuutigaa.
- Qimminut nerisassat nasssiunneqartussat qimmerpaalunnut ullualunni nerukkaatigineqarsinnaassapput, kisianni naammaqqajanngillat, taamaattumik kattuffiit tapiissuteqalaarnissaat neriuutigaarput, Susanne A. Markdal oqarpoq.
Kalaallit Nunaanni Uumasut Ikinngutaat 1996-imi pilersinneqarpoq, uumasunik angerlarsimaffeqanngitsunik sumiginnakkanillu sullissineq peqatigiiffiup siunertaraa.