Politiit umiatsiamik piginnittumik ujaasinertik taamaatiinnarpaat
Ilulissani politiit umiatsiamik piginnittumik ajunaalernermik marlunngormat unnukkut kalerrisaarisumik ujaasinertik taamaatiinnarpaat.
Allattoq Mads Lynge
aggustip 29-at 2014 15:03
- Qanigisaasut ujaasinerup taamaatiinnarneqarnera pillugu aalajangiinermik ilisimatinneqareerput, Ilulissani politiit allapput.
Ilaasut - nuliariit marluk Danmarkimeersut - sissami pingasunngormat nassaarineqarput, Saqqaminngaanniit Ilulissanut angallassisussamik isumaqatigiissusiorsimapput, angallassuisorli periarfeerunneqarluni.
- Politiit aggustip 26-aniilli tamaani ujaasilerput. Qulimiguulik, umiarsuit, umiatsiallu atorlugit immakkut silaannakkut nunakkullu ujaasisoqaraluarpoq, umiatsiarli piginnittualu ulloq manna tikillugu nassaarineqarsimanatik.
- Politiit sukumiisumik ujaasereeraluarlutik umiatsiap umiatsiamillu piginnittup nanineqarsinnaanissaat ilimagiunnaarparput, Ilulissani politiit allapput.
