Pilersuisup pisortaa tunuarpoq

Pilersuisup pisortaa Frederik Olsen atorfimminit tunuartoq, KNI A/S-ip tusagassiuutinut nalunaarutigaa.
Allattoq Mads Lynge
septembarip 17-at 2014 13:37

Tuniniaanermullu pisortaq Finn Fabricius Pilersuisumut pisortaagallartutut inissittoq aamma nalunaarutigineqarluni:

- KNI A/S-ip avataani periarfissanik allanik ujarlissalluni Frederik Olsen aalajangersimavoq. Taamaattumik nalunaarutigissavara Frederik Olsen isumaqatigiissuteqarneq aallaavigalugu atorfimminit tunuarmat tamannalu ullumimiit atuutilersoq.

- KNI A/S-imi sulisimaneranut Frederik Olsen qujaffigerusuppara siunissamilu iluatsinnissaanik kissaallugu, KNI A/S-ip pisortaanera Peter Grønvold Samuelsen, KNR-imut ilaatigut allappoq.

KNI Pilersuisoq 500-t missaannik sulisoqarpoq, sumiiffinnilu 66-ini pisiniarfeqarluni.