Piggappaat, quiasaarinermik aliikkusersuinermillu aallakaatitassiaq nutaaq

KNR TV-imi aallakaatitassiaq nutaaq septembarip ulluisa pingajuanni siullermeerlugu takutinneqartussaq taaguteqarpoq Piggappaat. TV-ikkut aallakaatitassiamik ingerlatsisuussaaq quiasaarisartoq nipilersortartorlu Hans Jukku Noahsen.
Allattoq Jaaku Lyberth
aggustip 22-at 2014 04:25

Aallakaatitassiaq quiasaarinermik, aliikkusersuinermillu imaqassaaq inersimasunullu saaffiginnittuussalluni.

PIGGAPPAAT nammineq immikkut nipilersortartoqassaaq, isiginnaartoqartassalluni aammalu sapaatit akunneri tamaasa assigiinngitsunik pulaartoqartassalluni.

Pulaartut sammisanik itisuumik tigunneriaaseqassanngillat inuiaqatigiinnullu tunngasunik ilisimasaqartassapput.

PIGGAPPAAT
siullermik septemberip ulluisa pingajuanni aallakaatinneqassaaq pingasunngornerilu tamaasa unnukkut qulinut aallakaatinneqartassalluni.

Tamassumap pinnginnerani facebookikkut nittartagaliortoqassaaq tassanilu aaqqissuisut paasissutissat kingulliit aallakaatitassiallu imarisai nittarsaattassavaat.

KNR-ip pisortaata Søren Lennert Mortensenip oqarnera malillugu  TVikkut aallakaatitassiaq quiasaarinermik aliikkusersuinermillu imaqartoq, KNR-imi TV-ikkut radiokkullu aallakaatitseriaatsip nutaap septemberip aallaqaataani aallartinneqartussap ilagigaa.