Perorsaanermik Ilinniarfik atuakkamik tunngaviusumik saqqummersitsivoq
Atuagaq Søren Gytz Olesenimit allanneqarpoq, taanna Professionshøjskolen VIA-mi forskningsdirektøriuvoq. Taassuma Perorsaanermik Ilinniarfik ukiorpassuarni suleqatigisimavaa aammalu Kalaallit Nunaanni pissutsit ilisimaarilluarlugit.
Atuakkamik kalaallisuumut nutserisuuvoq Abia Brandt, atuagarlu naqitaavoq illuatungaa kalaallisut mumingalu qallunaatut allataalluni.
Inunnik isumaginninnermi suliaqartunut sakkussaq pingaarutilik
- Nuannaarutigeqaarput atuagaq saqqummersissinnaagatsigu, Perorsaanermik Ilinniarfimmi rektori Nuka Kleemann oqarpoq.
- Inunnik isumaginninnermik suliaqartunut tamanut pingaarutilerujussuuvoq maannakkut kalaallisut perorsaariaatsimi tunngavissamik atuagaateqaleratta, Nuka Kleemann oqarpoq.
"Perorsaanermi - atuagaq tunngaviusoq” atorneqarsinnaavoq inunnik isumaginninnerup iluani suliaqartunit tamanit aamma Perorsaanermik Ilinniarfiup ataani ilinniakkaniinnaanngitsoq aammali inunnik isumaginninnermi siunnersortinngorniarnermi, peqqissaanermik ilinniarnerni ilinniartitsisunngorniarnermilu, tassami aamma Kalaallit Nunaanni inunnik suliaqartunit tamanit, Nuka Kleemann oqarpoq.