Peqatigiiffik Qimussersaq: Qimminik sumiginnaaneq ingasappallaaqaaq

Ilulissani qimmiutillit peqatigiiffianni Qimussersami siulittaasoq Ville Siegstad taama isumaqarpoq:

- Qimmilivinnik piorsaanngitsooramik, imaappoq aqqusinniunngitsoorluni, qimmit ungataanut ilioraannarlugit, aqqulluttumut masarsummut tamaanga ilioraanermigut qimmit paariuminaassitikkiartuaaramigit kommunip, Ilulissani qimmiutillit peqatigiiffianni Qimussersami siulittaasoq Ville Siegstad oqarpoq.

Nersutit nakorsaat uumasut peqqissusaannik nakkutilliisuutitaq Sanne Eline Wennerberg Ilulissani politiit Qaasuitsullu Kommunia suleqatigalugu Ilulissani qimmit 19-it sumiginnagaarujussuarsimanerat pissutigalugu toqorartariaqarsimagaat Radioaviisimi qanittukkut oqaluttuaraarput.

Qimmit pitoqqasut nakkutigineqarnissaat pingaaruteqartorujussuuvoq, pingaartumik aasakkut, Ville Siegstad oqarpoq:

- Kaammattorusunnarpoq assorujussuaq, iluarnerusumik paarineqartariaqarami nersut, sualummik pitoqqasoq. Pitoqqasoq nakkutigineqartariaqarami. Ulloq ataasiinnarluunniit imaarussimagaangami malugereertarpaa imerusulluni qiammiartortarami. Sunniuteqarnikkaarujussuuvoq qimmeq aasami pitussimaannarluni nerinngikkuni imaluunniit iminngikkuni sukkasoorujussuarmik ajortittarpoq, Ville Siegstad oqarpoq.

http://www.knr.gl/kl/nutaarsiassat/qimminik-naalliutsitsineq-akuersissutit-nalilersoqqittariaqarput

Ilulissani qimmit 19-it toqorarneqartariaqarsimasut Ville Siegstadip uggoraa:

- Soorunami ajuusaarnartuuvoq taamannak tusarluni aammalu pakatsinarluni, taavalu taamaattariaqanngikkaluarpoq. Paarsinerluttoqartariaqanngikkaluarpoq, qimussertartuninngaanniit akuerinngilarput qimminik taamannak naalliutsitsineq, ingasappallaaqaaq, Ilulissani qimmiutillit peqatigiiffianni Qimussersami siulittaasoq Ville Siegstad oqarpoq.