Ilinniarnertuunngorniarfinni ilinniartut kalaallit inuusuttaat pillugit sulisut
Danmarkimi 2.G-mi Nuummilu GU-mi ilinniartut latinerisut uumassusilerinermilu atuarnissaat Brugsenimi imaluunniit sanilimi naatsiiviani sulinissaannik taarserneqarput.
Danskit ilinniarnertuunngorniarfiini ilinniartut pisarneq malillugu ukiumut ataasiarlutik Operation Dagsværkimut aningaasanik katersiniartarput, ukioq mannalu aningaasat pissarsiarineqartut Kalaallit Nunaanni inuusuttunut tunniunneqassapput.
AAMMA ATUARUK Kreutzmann aamma Tarrak qaammarsaasut
Suliniut “Sprint”-imik taaguuserneqarsimavoq nunatsinnilu imminut allanullu iluaqutaasussamut nammineq kajumissutsiminnik suliaqarnissamut inuusuttunut ilinniartitsissutaassalluni.
- Inuusuttut namminneq illoqarfigisaminni inuusuttut imminut upperinerulersitsinissaannut pitsanngorsaateqarnissamut allannguisoqarsinnaanerannillu upperinnilernissamut nammineq suliniuteqarsinnaanissaq ilinniassavaat, Danmarkimi Operation Dagsværkimi allattoqarfimmi nammineq kajumissutsiminik suliaqartoq KNR-imut oqarpoq.
AAMMA ATUARUK Kalaallit Nunaat ilinniartitsissutigineqartalissasoq
Naatsorsuinerni kisitsisinik nuanninngitsuerutsinniaraat
Suliniut Kalaallit Røde Korsiata Danmarkimilu Ungdommens Røde Korsip suleqatigiinneraat, taakkulu nunatsinnit kisitsisini ajornartorsiutaanerpaat piuneerutsinneqarnissaat kissaatigaat.
Suliniutip inuusuttut illoqarfigisaminni ajornartorsiutinik aaqqikkusutaminnik tikkuussisinnaalernissamut ilinniartissavai.
- Assersuutigalugu kiserliornermik, imminut toquttarnermik imaluunniit allanik sakkortuunik ajornartorsiuteqartoq takusinnaagunikku oqassapput: Qanoq iliorluta aaqqiivigisinnaavarput? Aaqqiissutissanillu aalajangersimasunik isumassarsianillu aaqqiissutaasinnaasutut siunnersuuteqassaagut, Mai Pedersen oqarpoq.
AAMMA ATUARUK Danmarkimi ilinniarnertuunngorniat suliniut INUA tapersersussavaat
Nuummi, Ilulissani, Sisimiuni, Aasianni, Qaqortumi Tasiilamilu ukiuni sisamani tulliuttuni suliniutinut atorneqarsinnaasussanik, 4 millionit koruuninik katersisoqarnissaa anguniagaavoq.
