Nuummi taasinialerput
Tusarniaaneq Kommuneqarfik Sermersuup nittartagaatigut ingerlanneqartoq atorluarneqartoq, Kommuneqarfik Sermersuumi attaveqaqatigiinnermut siunnersorti Karsten Peter Jensenip oqaatigaa.
- Nittartakkakkut taasititsiniaaneq tallimanngormat aallartimmalli, 5000-eriarluni iserfigineqareerluni ,aatsaat taamak amerlatigisunik nittartagarput ullualuinnaat ingerlaneranni iserfigineqarsimavoq, Karsten Peter Jensen KNR-imut oqarpoq.
Inatsisartut ataatsimiittarfissaata inissisimaffissaa Nuummi innuttaasunit taasissutigineqarnera taamak soqutigineqartigaaq.
AAMMA ATUARUK Inatsisartut ataatsimiittarfittaassaat pillugu Asii internettikkut taasisitsilerpoq
Apeqqut taanna pillugu Kommuneqarfik Sermersuup nittartakkakkut taasisitsinerata saniatigut, innuttaasut qarasaasiaqanngitsut illoqarfiup iluani taasiartornissaannut periarfissinneqarput. Sapinngisamik amerlanerpaat taasinissaat anguniagaavoq.
- Ipadigut nassarlugit inuit aqqusinerni pisiniarfinnilu naapitagut isumasiorpagut taasitillugillu, taasisut amerlaneroqqullugit. Aamma utoqqaat illuannut pulaassaagut, ajoqersuullugit taasinissaannullu immersuissullugit, Kommuneqarfik Sermersuumi attaveqaqatigiinnermut siunnersorti Karsten Peter Jensen oqarpoq.
Ataatsimiittarfissuup inissinneqarnissaa pillugu Nuumminngaanniit taasititsineq aggustip 31-annut killeqarpoq.