Nuummi Nuutoqqami silami cirkusertitsilersut
Sapaatit-akunnerata tulliani, ulluni aggustip 30-ani 31-anilu, Nuummiut immikkuullarissumik misigisassaqartinneqassapput. Cirkusimimmi suliniut nutaaq Nuutoqqami Juullip Inuata sullivigisimasaata tunuani takuteqqaarneqassaaq.
Allattoq Karsten Sommer, Simon Uldum
Cirkusimi isiginnaartitsisartut, klovnit, akrobatit, qummoroortaatinillu immikkut ilisimasallit nunanit assigiinngitsunit arfineq-marluneersut sapaatit akunnerini kingullerni marlussunni Nuummut tikerarput.
Taakku suleqatigiinnut Nunatta Isiginnaartitsisarfia suleqatigalugu isiginnaagassiap Toqqortat piareersarnissaanik ukiut sisamat matuma siorna isumaqatigiissuteqartunut ilaapput.
Suliniut annertuupilussuuvoq, kalaallillu oqaluttuariaasiat kiinarpannillu atuisarnerat pyroteknikimik - tassa inneq atorlugu takutitsinermik, silaannakkoorluni takutitsinermik, sermeq atorlugu takutitsinermik, klovninik cirkusimilu isiginnaartitsisartunik ilalerlugit takutitsissoqassaaq.
Cirkusimi isiginnaartitseriaatsit immikkuullarissut nunatsinni siullerpaamik takutinneqassapput
Isiginnaartitsissummi sammineqartoq inuit oqaluttuarisaanerannik, nalitsinni pisunik oqaluttuatoqqanillu, tunngaveqarpoq. Inooriaaseq nutaaliasoq pisoqarluni cirkusimi isiginnaartitseriaaseq maani nunatsinni siullerpaamik takutinneqartussaq atorlugu takutinniarneqassapput.
Ataaserlu qularnanngilaq. Nunatsinni aatsaat taama annertutigisumik qummoroortartortoqassaaq. Norgemi pyroteknikerit pikkorinnersaat Nuummiippoq qummortaatinillu aallartitassaminik containeri ulikkaarlugu nassarpoq.
Sapaatit-akunnerata tulliani arfininngornermi sapaammilu silaginnissaa tamanit neriuutigineqarpoq.