Nunatsinnit Nunanit allanit Politikki Inuussutissarsiorneq Pinerlunnerit Kulturi Timersorneq

Nunavut Filippinerinut aningaasanik tunissuteqarpoq

ALLATTOQ:  Marianne Stenbæk, Montreal, Canada, Karsten Sommer, Mads Lynge
de in

Kiattup anorersuarujussuata Haiyanip Filippinerinik qanittukkut eqquineranut atatillugu nunat assigiinngitsut ikiuiniartut imaaginnavipput, Canadalu taakkununnga ilaalluni, matumani Nunavut aamma ilaalluni.

Nunavummi naalakkersuisut siulittaasuattut suliami kingullersaasa ilaattut Eva Aariap aningaasat katersat Canadami Røde Korsimut sapaatip-akunnerata massuma ingerlanerani tunniuppai, Nunavummi naalakkersuisut siulittaasoriligaannut Peter Taptunamut tunniukkamigit.

Checki Canadamiut dollariinik 25.000-it dollarinik aningaasartaqarpoq, tassa 130.000-it koruunit missaannik aningaasartaqarluni.

Nunavummi naalakkersuisut aningaasat taakku marloriaatinngortinngortinneqarnissaat aalajangerpaat, Nunavullu Filippinerinut tassa 260.000-it koruunit missaannik tunissuteqassaaq.

Nunavummi nunaqarfinni assigiinngitsutigut aamma ikiorsiiniartoqarpoq, filminik takutitsinermi isertitat, namminerlu kaageeralianik tunisinermi isertitat aqqutigalugit tunissuteqartoqarluni.

Iqalunni aningaasanik katersuiniarluni sapaatip-akunnerata naanerani pisussamut aamma pilersaarusiortoqarsimavoq.

Maani Naalakkersuisut Filippinerimiut aningaasatigut ikiorsiinatik, Filippinerini eqqugaasunut misiginneqataassutertik Filippinerit Danmarkimi aallartitaqarfiannut tunniuppaat.

Kalaallilli Røde Korsiat 100.000-it koruuninik tunissuteqarpoq, soorlu aamma Nuummi neriniartarfik Bones arfininngormat aaqqissuussamik iliuuseqarpoq, ulloq taanna isertitat Filippinerimiunut tunissutigineqarlutik.

Kiattup anorersuarujussuanit Haiyanimit Filipppinerini eqqorneqartut katillugit 67.000-it koruuninik neriniartarfimmit ikiorserneqartut, neriniartarfiup pisortaata Erik Brogaardip Radioaviisimut ullaaq manna ilisimatitsissutigaa.

Neriniartarfik taanna Filippinerimiunik amerlasuunik sulisoqarpoq, neriniartarfiullu ulloq taanna siertitaasa saniatigut sulisut akissarsiaat Filippinerimiunut tunniunneqarnissaat, Bonesimi sulisut siunnersuutigisimavaat.

Kukkunermik nassaarpit?

Allannerlukkamik imaluunniit ilumuunngitsumik nassaarsimaguit allaffigisinnaavatsigut.

Nalunaarfigitigut:

Type the characters you see in this picture.
Type the characters you see in the picture; if you can't read them, submit the form and a new image will be generated. Not case sensitive.  Switch to audio verification.

KNR.gl-imi isummersoqataanniaraanni najoqqutassiat akuereqqaarneqassapput

Isummersoqataaniaraanni ateq kinguliarlu allassallugit piumasaqaataavoq

Kiffartuussinerit uku ilaasortaaffigigukkit taakku atorlugit isummersoqataasinnaavutit