Nunavummi Inuit kattuffii Nunatsinnut tikeraartut
Inuit suliniaqatigiiffiini marlunneersut Nunavik Tunngavik (NTI) aamma Qikiqtani Inuit Association (QIA) aqagu marlunngornermiit ulluni sisamani nunatsinniissapput.
Allattoq Niels Krogh Søndergaard
NTI Nunavumi inuit aningaasarsiornikkut, isumaginninnikkut kulturikkullu soqutigisaat aalluppaat. QIA inuit Qeqertaalummiittut 14.000-it soqutigisaat aalluppaat.
Aleqa Hammond, Vittus Qujaukitsoq aamma Steen Lynge inuit sinniisaannik taakkunannga ataatsimeeqateqassapput.
Tikeraarnermi siunertarineqartoq tassaavoq, Nunavut Nunattalu akornanni suleqatigiinnerup pioreersup nukittorsarneqarnissaa, Issittumi ineriartorneq aamma Inuit kulturiata siuarsarneqarnissaa.