Nunatsinni arferit 207-it pisarineqarsinnaasut IWC-mi akuersissutigineqarpoq
Nunat 46-t akuersipput, aqqanillit akerliullutik, pingasullu taaseqataanatik.
IWC-mi akuersisoqarnera, Aalisarnermut, Piniarnermut Nunalerinermullu Naalakkersuisup Finn Karlsenip nuannaarutigaa, nammineq oqaasii naapertorlugit isumatusaarluni eqqarsartarneq IWC-mi kiisa ajugasimasoq oqaatigalugu:
- Naammagisimaarutigilluinnarpara isumatusaarluni eqqarsartarneq IWC-mi kiisami ajugaasimammat, taamaaliornikkullu qulakkeerneqarluni ukiuni tulliuttuni sisamani Kalaallit Nunaata imartaani arfernik aqutsineq iluaquteqarnerlu naapertuuttumik ilisimatuussutsikkullu tunngavilimmik ingerlanneqassammat.
- Angusap aamma takutippaa nunanik allanik suleqateqarluni anguniagaqarneq aqqutissaasoq. Nunat EU-mi ilaasortat IWC-mut ilaasortat suleqatigisimaneri qujamasuutigaara, Aalisarnermut Piniarnermullu naalakkersuisoq Finn Karlsen oqarpoq.
IWC-mi akuersisoqarneratigut arferit kitaani pisarineqarsinnaasut tassaapput:
Tikaagulliit 164-it, tikaagulliusaat 19-it, qipoqqaat qulit, arfiviillu marluk.
Arferit Tunumi pisarineqarsinnaasut tassaapput tikaagulliit aqqaneq-marluk.
Pisassiissutinit sinneruttunik ukiumiit ukiumut nuussisarnermut maannamut malittarisassat ingerlaqqiinnartut aamma nalunaarutigineqarpoq.
