Nunat Avannarliit Killiit Siunnersuisoqatigiiffiani allattaaneq nutaaq
Tusagassiortoq AG-milu aaqqissuisuusimasoq Inga Dóra G. Markussen, Nunat Avannarliit Killiit Siunnersuisoqatigiiffiani allattaanertut Þórður Þórarinsson taarsissavaa.
Qinnuteqartut 41-t akornanni toqqagaasimavoq.
- Atorfimmut qinnuteqartorpassuit takutippaat siunnersuisoqatigiiffiup suliaat Nunallu Avannarliit Killiit soqutigineqarluartut. Taamaattumillu Siunnersuisoqatigiiffiup siulittaasoqarfiani qinnuteqartut tuaviusaaratik misissorsimavaat, Unnur Brá Konráðsdóttir, Nunat Avannarliit Killiit Siunnersuisoqatigiiffiani siulittaasoq Islandillu Altingiani ilaasortaq oqarpoq.
Nunat Avannarliit Killiit Siunnersuisoqatigiiffiat Savalimmiut Lagtingiata, Islandip Altingiata Nunattalu Inatsisartuisa suleqatigiiffigaat.
Inga Dorá G. Markussen kalaallisut, qallunaatut, islandimiusut tuluttullu oqaaseqarpoq nunallu taakku pingasut pillugit ilisimasaqarluarluni.
Nunat Avannarliit Killiit Siunnersuisoqatigiiffiata allaffeqarfia Reykjavikimiippoq.
