NunaMinerals akiliisinnaajunnaarnissamik nalunaaruteqarnissaq kinguartippa
- Tamatumuuna jannuaarip ulluisa 19-ata tungaanut, eqqartuussissuserisoq Niels Hansen Damm, NunaMineralsimik nakkutiginnittuusoq KNR-imut oqarpoq.
- Uagut NunaMineralsimik nakkutiginnittuusutut kinguartitsinissamut kissaatigineqartoq akuersaarparput, Niels Hansen Damm, eqqartuussissuserisuni Malling aamma Hansen Damm-imeersoq KNR-imut oqarpoq.
- Sivikikkaluamik kinguartinneqarnera aaqqiineruvoq ajunnginnerpaaq, Niel Hansen Damm oqarpoq.
NunaMinerals akiliisinnaajunnaarnissamut nalunaarumalluni siullermik kissaateqarpoq maajip qaammataani.
Akiliisinnaajunnaarnissamut kissaateqarluni nalunaarnissaq aqagumut ataasinngornermut killeqarpoq.
Maanna NunaMineralsimik piginnittut, tuluit aatsitassarsiorfiat Greenland Mining Management NunaMineralsip ilusilersorneqaqqinneranut piffissaqarnerujumavoq.
- Tamatuma iluatsinnissaanut annertuunik neriuuteqarpugut, Niels Hansen Damm oqarpoq.
Tamanna iluatsinngippat NunaMinerals akiliisinnaajunnaarluni matussaaq akiitsoqarfigineqartullu aningaassasatik pisinnaassanngilaat
- Periarfissaqartillugu, aaqqiissutissanillu allanik nassaarnissaq piviusorsiorneruppat, akiiitsoqarfigineqartut ajunnginnerusunik inissisimalissapput, akiliisinnaajunnaarluni matunissaminngarnit, Niels Hansen Damm oqarpoq, - taava NunaMineralsip nakkutigineqarneranut periarfissat asuliinnassanngillat, Niels Hansen Damm oqarpoq.