Nuna tamakkerlugu politiinit nutaarsiassat

Assersuutigalugu ikiaroornartoq hashi 1.800 grammi Nuummi arsaarinnissutigineqarpoq.

Nuummi politiit Inatsisartunut qinersinerup ulluani inissiani eqqissiviilliortunut tallimanut orniguttariaqarsimapput, politiilli nunap immikkoortuisa sinneriniittut nalunaarutigaat qinersinerup ulluani eqqissisimaarfiusimasoq.

Ilulissani politiit napparsimmavik, Air Greenland aamma upalungaarsimasut suleqatigalugit, Ilulissani innuttaasunut SAR-imik upalungaarsimaneq pillugu sisamanngormat ataatsimiisitsipput.

Pinartumik immakkut nunakkulluunniit pisoqartillugu oqartussat susassaqartullu allat qanoq iliuuseqartarnersut, innuttaasullu qanoq aamma iliuuseqarsinnaanersut ilisimatitsissutigineqarpoq.

Nuummi Unnuarissat/Natteravnene, illoqarfimmi unnuakkut takussaaqqilerput.

Inuit biilit atorlugit immiaaraarniartut, Nuummi politiinit arfininngornermi unnukkut unitsinneqarput.

Immiaaqqat 160-t arsaarinnissutgineqarput, aningaasallumi aamma isertitsissutigineqareersut arsaarinnissutigineqarlutik.

Qeqqani politiit, Sisimiuni qullersaqarfeqartut, sapaatip akunnerup ingerlanerani ulapissimasut nalunaarutigaat. Allaammi ima ulapissimatigipput sapaatip akunneriniut allanut naleqqiullugu ulapinnerusimallutik, silallu ajornera pissutaasimassasoq oqaatigineqarluni.

Inissiani aqqusinernilu perulluliornerit, Qeqqani poplitiinut suliassanut ilaasimapput.