Norgemiut puisit akvariarsuarmut inissikkaat

Norgep illoqarfiisa ilaanni Ålesundimi imermik tarajuusumik silamiittumik akvariassaq nutaaq "Atlanterhavsparken" naammassineqalerpoq, akvariarlu puiseqassalluni.
Allattoq Mads Lynge
aggustip 27-at 2014 14:05

Akvaria 12-15 millionit liiterinik imaqassaaq, sioqqanillu 250 kubikmeterinik aamma imaqassalluni.

- Akvaria puisinut arfinilinnut angerlarsimaffitsialaassaaq, puisillu Lofotenimeersuullutillu, Tysklandimeersuullutillu Scweizimeersuussapput, akvariarsuup pisortaata Einar Wiikip, Norgemiut tv-qarfiannut NRK-mut oqaatigaa.

AKVARIASSAQ UANI TAKUSINNAAVAT Atlanterhavsparken

Puisit pineqartut iluanaartutut immaqa taaneqarsinnaapput, akvarianimi minnerni maannamut najuagaqarsimapput:

- Puisit ukua nujuartatut akvariani minnerni kinguaariinni maannamut najugaqarsimapput, imaannarmullu imaaliinnaarlugit iperarneqarsinnaagunarnatik. Imaannarsuarmili uumasutut sapinngisarput tamaat misiginissaat sulissutigissavarput, Einar Wiik oqarpoq.

Puisinut akvariassaq nutaaq taanna Europap avannarpasinnerusortaani annerpaalissaaq, septembarillu ulluisa 24-anni pilersaarutit malillugit ammarneqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq