Nick Nielsenip apriilip qulingiluaanni erfalasut qiteqqusimasarneri illersorpaa

Partii Inuit siulittaasuata Nikku Olsenip apriilip ulluisa qulingiluaanni pisortat allaffeqarfiini erfalasut qiteqqunneqartarnerinut oqaaseqaataa nittartakkakkut oqallittarfinni qisuariarfigineqangaatsiartoq - isumaqatiginagu Naalakkersuisut maanna allagaqarput.
Allattoq Jaaku Lyberth
apriilip 11-at 2014 10:32

Nunatsinni pisortat allaffeqarfiini erfalasut qiteqqunneqartarnerat danskit naleqartitaannut anngaaginnartussaanitsinnut ersiutaasutut Nikku Olsenip taavaa.

Kultureqarnermut Naalakkersuisoq Nick Nielsen Nikku Olsenimut isumaqataanani tusagassiuutinut nalunaaruteqarpoq.

- Erfalasut qiteqqunneqartarneratigut amerlasuunik naleqartitaqartuunerput assigiinngisitaartuunerpullu takutittparput, Nick Nielsen oqarpoq.

- Ulloq 9. april ilisarnaatitut annertuumik naleqarpoq, Nick Nielsen tusagassiuutinut nalunaaruteqarluni taama allappoq - takutippaami kisermaassillutik pissaaneqarniartut akuerinngikkigut, soorlu Tysklandi sorsunnersuit aappaata nalaani.

- Ulloq erfalasulertarfiup taassuma takutippaa eqqissisimasumik inooqatigiinneq uagut upperigipput, oqaloqatigiinneq aamma ataqqeqatigiinneq, naalagaaffiit akornanni, soorluttaaq aamma Naalagaaffeqatigiinnerput upperigipput, Kultureqarnermut naalakkersuisoq Nick Nielsen allappoq.

- Nukittussuseq uagutsinnik namminersuleriartornermut ingerlatsisoq, namminersuleriartornermik ungasilliartortitsisuunngitsoq upperaarput, Nick Nielsen allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq