Siunnersuut: Mittarfissat nukinngullugit juulimi suliarineqassasut
Naqqiut: Siusinnerusukkut qulequtaagaluarpoq: Mittarfiliornissat nukingiullugit juulimi suliarineqassapput - kisianni Inatsisartut Siulittaasoqarfianit qulakkeerlugu tamanna nalunaarutigineqanngilaq
Taamaalilluni nunatsinni aningaasaliinissat annersaannut aalajangernissaq sapaatit akunnialui qaangiuppata pisussanngorpasippoq.
Naalakkersuisoqataasut Siumut inassutigaat, mittarfiliortiternissamut inatsit juulimi aappassaneerlugulu pingajussaaneerneqassasoq.
Tassa sapaatit akunneri tallimat qaangiuppata.
Illua tungiliuttuni partiip inuit Ataqatigiit oqaaseqaatiminni eqqaavaat ilisimatinneqarsimallutik, mittarfiliortiternissat pillugit inatsisissatut siunnersuutip aappassaaneerneqarnissaa pingajussaaneerneqarnissaalu Naalakkersuisoqatigiit siuartissimagaat.
Tamanna IA-p nuannarinngilaa, tukattutullu taallugu.
IA: Mittarfiit qanoq ineqassappat?
Partiip ilaatigut mittarfiliassat sananeqarerpata mittarfiit allat qanoq pineqarnissaannut pilersaarummik Naalakkersusiut saqqummiussinissaat ujartorpaat.
Naatsorsuigallarnerni assersuutigalugu Kangerlussuaq qulimiguulinnut mittarfinngussasoq imaluunniit nunap ilaani mittarfittut atulissasoq tunngaviuvoq, naatsorsuigallarnerillu naapertorlugit tamanna tunngavigalugu Kangerlussuarmi najugaqartut amerlanersaat mittarfimmi sulisuugamik nunarfimmiit aallarassapput.
Naalakkersuisut marlunnik, Namminersorlutik Oqartussaneersunik, Qeqqata Kommunianeersunik, Kommuni Kujallermeersunillu inuttalinnik, maannakkuugallartumut suleqatigiititaliorput, maannamut mittarfiusut sumut atorneqarnissaannik misissuisussanik.
