| Nunatsinnit | Nunanit allanit | Politikki | Inuussutissarsiorneq | Pinerlunnerit | Kulturi | Timersorneq |
Kommunip angissusaa pillugu oqallinnermi misigissutsit aallaaviginagit ilisimasat aallaavigalugit oqallittoqassaaq. Qaasuitsup kommuniani kommunip angissussaa pillugu suleqatigiissitap tamanna aallaavigalugu innuttaasunik qaammatini tulliuttuni oqallitsitsisassaaq. Innuttaasunik sullissinermut aamma aningaasaqarnermut paasissutissat saqqummiunneqartassammata.
- Uummannami utoqqalinersiallip aningaasat atorsinnaasai kommunerujussuup atuutilinnginnerata siulianut sanilliullugit qanoq maanna annertutigippat?
- Aasianni meeqqerivimmiittuuteqarneq qanoq akeqarpa?
- Tamannalu Qaasuitsup kommuniata atuutilerneratigut allanngorsimava?
- Sullissisut amerlassusii innuttaasunut agguaqatigiissinneqarneri.
Tassa Qaasuitsup kommuniani kommunip avinneqarnissaanut apeqqummut suleqatigiissitaq innuttaasunik apriilimi oqallitsitsilerpat, misigissutsit aallaaviginagit paasissutissalli tunngavigissavaat. Suleqatigiisitamut suliakkiissut taama isikkoqarpoq.
Innuttaasunik sullissinermut tunngasunik paasissutissat, aningaasaqarnermut tunngasunik paasissutissat kommunip martsip qaamataata ingerlanerani katersoreersimassavai. Paasissutissallu katersorneqareerpata politikkikkut suliallit innuttaasut tikillugit oqallitsitsilissapput.
Qaasuitsup kommuniata kommuuniusimasullu arfineq pingasut sullissinermikkut, aningaasaqarnikkullu ingerlatsisimaneranni assigiinngissutsit innuttaasunut saqqummiunneqarlutik isummersorfigineqartassapput.
Kommunimilu innuttaasut oqalliseqataanissaminnut maajip naanerata tungaanut periarfissaqassapput.
Qanimut oqartussaaqataaneq oqallisigineqartussat aamma ilagaat, tassani innuttaasut aalajangiussassanut pingaarnersiuinernullu qanoq peqataatinneqarsinnaanersut oqaluuserineqassaaq.
Kommunip avinneqarnissaanut apeqqummut suleqatigiissitaq partiit aallartitaannit ilaasortaaffigineqarpoq. Ilaasortat tassaapput:
- Enok Sandgreen, Siumut sinnerlugu toqqagaq siulittaasuuvoq
- Bendt B. Kristiansen, Inuit Ataqatigiit sinnerlugit ilaasortaavoq
- Ane Lone Bagger, Demokraatineersoq
- Ole Zeeb, Kattusseqatigiit partiiannit
- Knud Kristiansen, Atassut
|
Massakkut saqqaani nutaarsiassat
|
 Politik, Ataasinngorneq Maajip 21-at 2012 13:35
Ukiuni aggersuni allanngortiterinissani soraarnerussutisiat aamma misissuataarneqassapput. Aningaasaqarnermut Naalakkersuisut Maliina Abelsen (IA) soraarnerussutisiaqartitseriaatsimik allaalluinnartumik siunissami takorluugaqarpoq. |
 Erhverv, Ataasinngorneq Maajip 21-at 2012 12:18
Aatsitassarsiorfiutileqatigiit Red Rock Resources saviminissamik Qimusseriarsuarmi ujaasilernissaat ullualunnguit qaangiuppata aallartissaaq. |
 Krimi, Ataasinngorneq Maajip 21-at 2012 10:59
Ilulissani politiit sapaatip akunnerata naanerani ulapaarsimapput. Quppernerit 14-it atorlugit nalunaarsuisoqarsimavoq, taamaattoq immikkut taasarialittut ataaseq taamaallaat tikkuarneqarpoq. |
 Nunatsinnit, Ataasinngorneq Maajip 21-at 2012 10:38
Suleqatigiit nammineq piumassutsimik suliniartussat Qeqertarsuarmi aallartipput inersimasut imminnut nakkarsaattarnerannik akiuiniartussat. |
 Erhverv, Ataasinngorneq Maajip 21-at 2012 09:19
Ella Grødemip Visit Greenlandimeersup, isiginnaartitsisartup Nukâka Coster-Waldau-ip uia qallunaaq filmiliaritittartoq Nicolai Coster-Waldau peqatigalugu, nersornaat New Yorkimi tigussavaa. |
 Krimi, Ataasinngorneq Maajip 21-at 2012 08:42
Nuummi inuusuttuaqqat angallatini nuannaariutini aallaasinik savinnillu tillipput. |
 Politik, Ataasinngorneq Maajip 21-at 2012 08:20
IA sinnerlugu folketingimi ilaasortap Sara Olsvigip Danmarkimi inatsit nutaaq, kalaallit Danmarkimut nuukkaangamik, meeqqanut tapiissutinik pisinnaanerannut killiliisoq allanngortikkusuppaa. Tusagassiuutinut taama nalunaaruteqarpoq. |
 Nunatsinnit, Sapaat Maajip 20-at 2012 17:53
Isiginnaartunit arsartunillu qiimmattaatigineqaqisumik isiginnaartut ilaannit nillertoqarpallappoq IA-kkormiut Aleqa Hammond, Siumup siulittaasua, ajuuffiit qanilligaangagit immikkut sissuerlugu paarisariaqaraat. Arsaattunik isiginnaartut 400-it missaanniipput. |
 Politik, Arfininngorneq Maajip 19-at 2012 17:46
Nunatsinni sulisoqarnikkut suliniaqatigiiffiit naammagiinnarsinnaajunnaarpaat, Naalakkersuinikkut ullut tamangajaasa allangorartumik nutaamik nalunaarutinut isummersortarneri.
|
