Meeqqat Illersuisuata 10. klassemi atuartut taperserpai
Mathias Storchimi 10.A-mi atuartut nalunaarfigitinnikuupput oqaatsini fagini misilitsilerunik qarasaasianik angallattakkanik atugaqaqqusaanngitsut, atuartitsinermi qarasaasiat atortarsimagaluarlugit.
Mathias Storchimi 10. klassit assigiimmik periarfissinneqarusupput
Tamanna Atuarfik Mathias Storchip oqoqarnera pissutigalugu matuneqarnerata kingorna atuartut nutsertariaqarsimanerannik peqquteqartinneqarpoq.
Meeqqat Illersuisuata Aaja Chemnitz Larsenip maanna aaqqiisoqarnissaa piumasaraa.
Meeqqat Illersuisuata Narsami Ilulissanilu atuartut atuarfiisa matoqqanerannit eqqugaasut pulaarsimavai, ininilu atuarfiugallartuni atuartinneqarnerat takusimallugu.
- Inuusuttut arlalitsigut atukkamikkut ajornerusumik atugaqalersimallutik oqaatigaat. Takusinnaavaralu atuartut taakkua allani atuartoqatimisulli pitsaatigisumik atugaqarnissaata angunissaa unammillernartoqartoq – naliginnaasumik atuartitsinerup aammalu massakkut soraarummeernissamut atugassarititaasut tungaatigut, Aaja Chemnitz Larsen oqarpoq.
Kommune nammineerluni aaqqiissutissanik nassaarsinnaanngippat Ilageeqarnermut Kultureqarnermut Naligiissitaanermullu Naalakkersuisoqarfimmik aaqqiissutissanik nassaarnissaq siunertaralugu, atuartullu soraarummeernerminni qarasaasiat angallattakkat atorsinnaanissaat anguniarlugu oqaloqatiginneqqullugit kajumissaarivoq.
