Mary Simon nersorniarneqartoq
Issittut Nunaanni arnaq ilisarisimaneqarluartoq Quebecimi Kuujjuarmiu, Mary Simon, Canadap inoqqaavisa Inuit qallunaallu akornanni pitsaanerusumik attaveqatigiinnissamik suliniuteqartuunera pillugu, Canadami nersorniarneqarpoq.
Allattoq Apollo Jeremiassen
septembarip 17-at 2014 05:40
Nersorniarneqarnini pillugu qujassuteqarluni oqalugiarnermini pingaarnertut oqaatigaa, Nunat Issittut namminersortuulerneri Canadap avannaaniit aallartittut, tassa tamaani nunaqarfinnik nukittuunik Inuit nunasiortorsimanerisa kinguneranik namminersortuulerneq aallartinneqarsimasoq oqaatigalugu.
Mary Simonip oqalugiarnermini aamma eqqartugaasa pingaarnerit ilagaat, canadap inoqqaavisa Inuit nunasisullu qallunaat akornanni ullumikkut suli paatsooqatigiittoqartartoq.
- Taamaattumik immitsinnut ilikkarnerusariaqarpugut ataqqeqatigiilluta naligiittullu immitsinnut isigilerluta, Mary Simon oqarpoq.
Mary Simon 1980-imit 1994 tikillugu ICC-imi ilaasortaallunilu siulittaasuuvoq.
